Oranje

Oranje

Oranje Trompoppies

Oranje se Trompoppies was gedurende 2013 voorwaar uitstekend en het alle verwagtinge oortref. Hulle het waarlik van krag tot krag gegaan. Oranje se passievolle en talentvolle afrigter, Christa de Wet het die span hoër hoogtes laat bereik met haar liefde vir die sport. Oranje het vanjaar 3 Springbokke opgelewer en die Vrystaatspan bestaan uit 9 OMS meisies, voorwaar ‘n prestasie.

Die volgende dogters is in die Vrystaatspan ingesluit:

  • Carolien van Heerden
  • Ane Pretorius
  • Chalize van Zijl
  • Crailynn Peense
  • Jadine Groep
  • Lou-Marie Crompvoets
  • Morgan Teise
  • Phillipa Rondganger
  • Shazney Henney

  • Tydens 2014 bied Oranje die volgende groepe aan:

    Small drill
    Pom non prop groep
    Gooi groep
    Large drill
    Vlag groep

    Dogters in die Suid-Afrikaanse Trompoppiespan:

    Lou-marie Crompvoets
    Chalize van Zijl
    Carolien van Heerden

    Uitslae van 2013

    Tydens die plaaslike kompetisies het Oranje goeie uitslae behaal. Daar was 4 kompetisies gehou deur die loop van 2013. Die algehele posisies lyk soos volg:

    Gooi groep: 2de plek
    Vlag groep: 2de plek
    Pom non prop: 2de plek
    Small drill: 2de plek
    Large drill: 2de plek

    Verlede jaar se Nasionale Kampioenskap het in Polokwane gedurende die Junie vakansie plaasgevind. Oranje het aan die Premier liga deel geneem en ‘n algehele 3de plek verower. Met die prestasie kwalifiseer die dogters om 2014 aan die Elite liga deel te neem. Die is die hoogste liga in Suid-Afrikaanse trompoppies, ‘n ongelooflike prestasie! Die Nasionale Kampioenskap van 2014 sal gedurende die September vakansie in Kaapstad plaasvind. Meer besonderhede sal vroeg in 2014 volg. Oranje se trompoppiespan het verlede jaar toestemming by die skool se Bestuursliggaam verkry om oop te maak vir dogters van ander skole wat nie trompoppies as sport by hulle skole aanbied nie, dus is elke dogter welkom om in te skakel by OMS indien jou skool nie die aktiwiteit aanbied nie.

    Hoekom trompoppies:

    Hierdie sport bied die dogters soveel meer as net die sport self. Ek is al 9 jaar aktief betrokke by die afrigting van die sport en die afgelope 2 jaar voorsitster van die Vrystaat komitee. Ek het al gesien hoe dogters ontwikkel van dogters wat jou nie eens in die oë kan kyk nie, tot mesies vol selfvertroue. Hulle leer wat deursettingsvermoë is, ‘n mooi houding en goeie postuur.

    Hoekom deel word van Oranje se span:

    Oranje het die afgelope 22 jaar elke jaar gekwalifiseer om aan die Suid-Afrikaanse Kampioenskap deel te neem. Die afgelope 3 jaar het die formaat van die kampioenskap verander. Oranje se uitslae was soos volg:
    2011: Behaal ‘n algehele 3de plek in die Premier liga.
    2012: Kwalifiseer vir die Elite liga.
    2013: Behaal ‘n algehele 3de plek tydens die Premier liga en kwalifeseer reeds vir 2014 om aan die Elite liga deel te neem.

    Wie doen trompoppies:

    Enige dogters is welkom. Ons het dogters wat eerste spanne speel in verskeie sporte, sterk kultuur dogters, dansers en dogters wat sterk in akademie presteer. Die dogters wat ander sport by u skool beoefen, sal dit steeds kan doen. Ons sal die kinders nader en kyk hoe ons te werk kan gaan om hulle te gemoed te kom. Ons oefen gereeld op Saterdae en al die kompetisies word ook op Saterdae gehou. Indien dit is, dat u skool se dogter moet deelneem aan ‘n sportdag by u skool sal ons kyk hoe ons die situasies individueel hanteer.

    Indien u deel wil word van hierdie wenspan, kan u my kontak by mia15wes@yahoo.com


    Afrigters: Christa de Wet en Mia Wessels
    Hulp-afrigters: Nthabiseng Letutla, Tasmia Jansen
    Organiseerder: Mej. M. Wessels